Vladimir Putin Moskva yaxınlığındakı Novo-Oqaryovo iqamətgahında Ermənistanın baş naziri Nikol Paşinyanla görüşür.

Bu barədə "RIA Novosti"i məlumat yayıb.

Danışıqlar başlamazdan əvvəl Putin qeyd edib ki, o, Paşinyanla Dağlıq Qarabağda təhlükəsizlik məsələləri də daxil olmaqla müzakirə etməyi planlaşdırır.

"Biz daim əlaqə saxlayırıq. Bilmirəm, hər həftə və ya on gündən bir mütləq telefonla danışırıq. Bəli və pandemiya dövrünə baxmayaraq, görüşlər müntəzəmdir", - Rusiya lideri əlavə edib.

Öz növbəsində Ermənistanın baş naziri bəyan edib ki, Rusiya regionda sabitliyin və təhlükəsizliyin təmin edilməsində əsas rol oynayır. O, məhsuldar görüşü səbirsizliklə gözlədiyini vurğulayıb.

"Bu səfərin təkcə praktiki deyil, həm də simvolik əhəmiyyəti var, çünki o, ölkələrimiz arasında diplomatik münasibətlərin qurulmasının 30-cu ildönümünə təsadüf edir və ölkələrimiz arasında əlaqələrin çox yüksək səviyyədə olduğunu göstərir", - Paşinyan əlavə edib.

Rusiya prezidentinin mətbuat katibi Dmitri Peskovun sözlərinə görə, səfər zamanı ikitərəfli sənədlər paketinin imzalanması planlaşdırılır.

Bundan əlavə, Paşinyan aprelin 20-nə rusiyalı həmkarı Mixail Mişustin, Dövlət Dumasının və Federasiya Şurasının spikerləri Vyaçeslav Volodin və Valentina Matvienko ilə görüşlər planlaşdırıb. Nijni Novqoroda da səfər gözlənilir.