ONN İnformasiya Agentliyi

Rusiyada hərbi institutda GÜCLÜ YANĞIN: ölənlərin sayı 11 nəfərə çatdı

Rusiyada hərbi institutda GÜCLÜ YANĞIN: ölənlərin sayı 11 nəfərə çatdı
23-04-2022, 23:02

Rusiya Müdafiə Nazirliyinin Kosmik Hava Müdafiəsi Qoşunlarının Mərkəzi Elmi-Tədqiqat İnstitutunda yanğın nəticəsində həlak olanların sayı 11 nəfərə çatıb.

Hadisə aprelin 21-də baş verib. Əvvəlcə yanğın zamanı 6 nəfərin həlak olduğu, 30 nəfərin xəsarət aldığı bildirilirdi.

Tver şəhərində yerləşən institutun binasında yanğından sonra aparılan xilasetmə işləri zamanı daha 5 nəfərin meyiti aşkar edilib. Yanğın elektrik naqillərində qısaqapanma səbəbindən baş verib.

Qəza ilə bağlı cinayət işi açılıb.

Müdafiə Nazirliyinin Kosmik Hava Müdafiəsi Qoşunlarının Mərkəzi Elmi-Tədqiqat İnstitutu 2014-cü ildə yaradılıb. Burada Rusiya kosmik hava müdafiəsi, hərbi kosmik fəaliyyəti, eləcə də MDB ölkələrinin birləşmiş hava hücumuna qarşı müdafiə sistemi ilə əlaqədar tədqiqatlar aparılır.

OXŞAR XƏBƏRLƏR
ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png ONN-agentlik.png