Bu gün 14 ukraynalı Rusiya əsirliyindən azad edilib.

ONN media xəbər verir ki, bu barədə Baş nazirin müavini - Ukraynanın müvəqqəti işğal olunmuş ərazilərinin reinteqrasiyası üzrə nazir İrina Vereşçuk məlumat verib.

"Bu gün məhbuslar dəyişdirilib. Biz 14 nəfərimizi evə qaytarırıq", - nazir bildirib.

Onun sözlərinə görə, söhbət 7 hərbçi və 7 mülki şəxsdən gedir:

“Bu mübadilə mənim üçün xüsusidir: qadın hərbçilərdən biri 5 aylıq hamilədir”, - o əlavə edib.

Xatırladaq ki, aprelin 28-i daha bir məhbus mübadiləsi baş verib. Azad edilən 45 ukraynalıdan 13-ü zabit, 20-i əsgər və 12-i mülki şəxs olub.