Ötən gün Ukrayna Silahlı Qüvvələrinin Hərbi Hava Qüvvələri və Quru Qoşunlarının hava hücumundan müdafiə bölmələri Rusiyaya məxsus “Orlan-10” tipli dörd PUA-nı vurub. 

ONN media xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

"Bundan əlavə, Ukrayna Silahlı Qüvvələrinin hücum qoşunlarının briqadalarından biri Rusiyanın bir Mi-24 helikopterini məhv edib.

Donetsk və Luqansk vilayətində Ukrayna müdafiəçiləri düşmənin 12 hücumunu dəf edib, 12 tankı, 4 artilleriya sistemini, 19 zirehli döyüş maşını, 7 avtomobili və 2 ədəd xüsusi mühəndis texnikasını məhv ediblər"- məlumatda qeyd edilib.