ABŞ-da “Ən nifrət edilən adam” kimi tanınan iş adamı Martin Şkreli həbsdən vaxtından əvvəl azad edilib.

ONN media xəbər verir ki, bu barədə Federal Həbsxanalar Bürosu məlumat yayıb.

O, mayın 18-də Federal islah müəssisəsindən ictimai həbsxanaya köçürülüb. Bu o deməkdir ki, Şkreli ya ev dustaqlığında, ya da sosial reabilitasiya müəssisəsində saxlanılacaq.

Bildirilir ki, Şkreli sentyabrın 14-də həbsdən azad oluna bilər.

Onun vəkili Benjamin Brafman bu məlumatı təsdiqləyib.

Qeyd edək ki, Şkreli texnoloji və əczaçılıq sənayesində şişirdilmiş qiymət artımı ilə investorları aldatmaqda ittiham olunub. 

İş adamına əczaçılıq sahəsində yenidən işləmək qadağan edilib və qanunsuz əldə etdiyi qazancın (64,6 milyon dollar) geri qaytarılması barədə qərar verilib.