"Rusiya ordusu hazırda Ukrayna ərazisinin 20 faizinə nəzarət edir".

ONN media xəbər verir ki, bunu Ukrayna Prezidenti Vladimir Zelenski Lüksemburq parlamentində çıxışı zamanı deyib. O bildirilib ki, Ukrayna ərazisinin 20 faizi təxminən 125 min kvadrat kilometrə bərabərdir. Ukrayna liderinin sözlərinə görə, Rusiyanın 2014-cü ildə qanunsuz olaraq işğal etdiyi Krım yarımadası isə sözügedən əraziyə daxildir.

“Biz demək olar ki, bütün Rusiya ordusuna qarşı özümüzü müdafiə etməliyik. Müharibə üçün hazır olan bütün Rusiya hərbi birləşmələri bu təcavüzə cəlb olunub”, - deyə o söyləyib.
Rusiyanın ötən gün 15 qanadlı raket atdığını qeyd edən Zelenski, fevralın 24-dən bu yana Ukraynaya ümumilikdə 2478 raket atıldığını və raketlərin əksəriyyətinin mülki infrastrukturu hədəf aldığını bildirib.