Avqustun 15-də İsrail Xarici İşlər Nazirliyi İranla həmsərhəd olan dövlətlərdə - Azərbaycan, Ermənistan, Türkmənistan və Türkiyə ərazisində yerləşən bütün İsrail vətəndaşlarına müraciət edib.

ONN media xəbər verir ki, bu barədə “Vesti İsrail” məlumat yayıb.

Bildirilib ki, İsrail XİN İranın qonşuluğunda olan bu 4 ölkədəki vətəndaşlarına ayıq və ehtiyatlı olmalarını tövsiyə edib:

“İran və onun proksilərinin israillilərə zərbə endirmək cəhdləri ilə əlaqədar olaraq, Xarici İşlər Nazirliyi yuxarıda göstərilən dövlətlərə səfər edən vətəndaşları maksimum ayıq və ehtiyatlı olmağa və İsrail Milli Təhlükəsizlik Şurası yanında Terrorla Mübarizə Qərargahının göstərişlərinə əməl etməyə çağırır”, - müraciətdə bildirilib.

Xarici İşlər Nazirliyi qeyd edib ki, müraciət İran və onun proksilərindən gələn təhdidlərlə bağlıdır. Nazirlik həmçinin vurğulayıb ki, müharibə başlayandan bəri İran bütün dünyada İsrail hədəflərinə hücum cəhdlərini gücləndirib