Fransaya vizalar üçün təqdim olunan sənədlərin baxılmasını “CAPAGO” şirkəti həyata keçirəcək. ONN media xəbər verir ki, Fransız vizalarının yeni mərkəzi olan “CAPAGO” şirkəti Bakıda Cəfər Cabbarlı küçəsi 609 ünvanında yerləşən “Globus Center”də noyabrın 7-dən fəaliyyətə başlayacaq. Yuxarıda göstərilən tarixdən başlayaraq bu şirkət əvvəllər fransız vizaları üçün təqdim olunan sənədlərin baxılmasını həyata keçirən TLS şirkətini əvəz edəcək. “CAPAGO” tərəfindən idarə olunan fransız viza mərkəzi, Bazar ertəsindən cümə gününə qədər, saat 9:00-dan 17:00-a kimi açıq olacaq. Yeni viza mərkəzi görüşlərin alınmasını, viza ilə bağlı sualların cavablandırılmasını, fransız viza mərkəzində əhalinin qəbulunu, viza müraciətlərinin qəbulunu, barmaq izlərinin alınmasını, xidmət (standart qiymət 26 avro) və viza xərclərinin toplanmasını, pasportların geri qaytarılmasını (görüş götürməyə ehtiyac olmayacaq və yuxarıda göstərilən saatlarda geri qaytarılacaq) həyata keçirəcək. Burada “İşgüzar” müştərilər üçün yüksək keyfiyyətdə xidmət göstərən “Premium” salonu yaradılıb. (Qiymət 80 AZN (Viza rüsumdan savayı) Yeni fransız viza mərkəzində görüş götürmək üçün “France Visas” saytına daxil olmaq lazımdır: https://france-visas.gouv.fr/web/az, sonra isə təklif olunan linklərə daxil olub “CAPAGO” saytında görüş götürmək olar. Beləliklə, viza üçün müraciətlər noyabrın 7-dən etibarən səfirliyin viza bölməsində qəbul olunmayacaq (Azərbaycanın rəsmi və diplomatik pasport sahibləri istisna olmaqla). İspaniya, Belçika, Niderland, Portuqaliya və Lüksemburq üçün viza müraciətlər “CAPAGO” şirkəti tərəfindən idarə olunan yeni fransız viza mərkəzində baxılacaq.