Dağlıq Qarabağla bağlı situasiyanın gərginləşməsinə imkan vermək olmaz.

ONN media xəbər verir ki, bunu spiker Oqtay Əsədovla görüşü zamanı Rusiya Dumasının spikeri Vyaçeslav Volodin deyib.

“Dağlıq Qarabağ məsələsi bizi narahat etməyə bilməz. Siz bilirsiniz ki, Rusiya bu konfliktin sülh yoluyla həllinin tərəfdarıdır. Münasibətlərin kəskinləşməsinin tərəfdarı olan, xalqın səsini eşitməyib, onun sülh içərisində yaşamaq istəyini nəzərə almayan hər kəs situasiyanı gərginləşdirmək yoluyla gedir. Biz hər şeyi etməliyik ki, bu yolun qarşısını alaq. Azərbaycan Dağlıq Qarabağla bağlı hər zaman doğru və konstruktiv mövqe tutub”, – deyə o bildirib.