Azərbaycan prezidenti İlham Əliyev Meksika Birləşmiş Ştatlarının yeni seçilmiş prezidenti Andres Manuel Lopes Obradora məktub göndərib.

ONN media  xəbər verir ki, məktubda deyilir:

“Hörmətli Andres Manuel Lopes Obrador, Meksika Birləşmiş Ştatlarının Prezidenti vəzifəsinə seçilməyiniz münasibətilə Sizi səmimi qəlbdən təbrik edirəm.

Ümidvaram ki, Azərbaycan ilə Meksika arasındakı dostluq və əməkdaşlıq münasibətlərinin inkişafı və daha da möhkəmləndirilməsi yolunda birgə səylər göstərəcəyik.

Sizə möhkəm cansağlığı, xoşbəxtlik, dost Meksika xalqının rifahı naminə qarşıdakı fəaliyyətinizdə uğurlar diləyirəm”.