Azərbaycan Televiziya və Radio Verilişləri Qapalı Səhmdar Cəmiyyətinin (AzTV) sədr əvəzi Rövşən Məmmədov Azərbaycantelefilm Yaradıcılıq Birliyinin direktoru, əməkdar jurnalist Səyavuş Məmmədovu vəzifəsindən azad edib. Onun yerinə xalq artisti Ramiz Həsənoğlu təyin edilib. ONN media xəbər verir ki, bu barədə Axar.az -a açıqlamasında xalq artisti vəzifəyə təyin edilməsi ilə bağlı yayılan məlumatları təsdiqləyib: “Yazılanlar doğrudur. Mən yaradıcı adamam, bu da yaradıcı işdir. Əvvəl nə iş görürdümsə, yenə də onunla məşğul olacağam. Yeni bir şey deyə bilmərəm”. Qeyd edək ki, bu barədə ilk məlumatı Azvision.az saytı yayıb.