Fevralın 1-də Milli Məclisin 2019-cu il yaz sessiyası başlayır.

ONN media xəbər verir ki, parlamentin ilk plenar iclasının gündəliyinə isə məsələ daxildir. İclasda yaz sessiyasının qanunvericilik işləri planını təsdiq ediləcək, parlamentin Hesablayıcı komissiyasının, İntizam komissiyasının yenidən təşkil edilməsi haqqında məsələyə baxılacaq. Deputatlar "Penitensiar müəssisələrdə cəza çəkməkdən azad edilmiş şəxslərin sosial adaptasiyası haqqında", "Sosial sığorta haqqında", "Ünvanlı dövlət sosial yardımı haqqında", "Sosial müavinətlər haqqında", "Əmək pensiyaları haqqında", "İşsizlikdən sığorta haqqında", "Əlilliyi olan şəxslərin hüquqları haqqında", "Məşğulluq haqqında" və s. qanunlara, eləcə də İnzibati Xətalar, Əmək, Cəzaların İcrası və Ailə məcəllələri və digər qanun layihələrini müzakirə edəcəklər. Qeyd edək ki, qanunverici orqanın toplantıları mayın 31-dək davam edəcək.