Dağlıq Qarabağdakı vəziyyətlə bağlı Türkiyə ilə təmasdayıq. ONN media  xəbər verir ki, bunu Kremlin mətbuat katibi Dmitri Peskov deyib. Ermənistan-Azərbaycan münaqişəsi ilə bağlı jurnalistlərə açıqlama verən Peskov bildirib ki, Xarici İşlər Nazirliyi vasitəsilə rəsmi Ankara ilə əlaqə qurulur. O, Dağlıq Qarabağdakı vəziyyətdən narahat olduqlarını bildirib. Həmçinin, münaqişə tərəflərini hərbi metodlarla hərəkət etməkdən və vəziyyətin gələcəkdə pisləşməsinə səbəb ola biləcək addımlardan imtina etməyə çağırıb. Peskov bildirib ki, əhəmiyyətli olan kimin günahkar olub-olmadığı deyil, döyüşləri dayandırmaqdır. Məsələ siyasi diplomatiya yolu ilə həll olunmalıdır.