ONN media xəbər verir ki, ABŞ rəsmisi İranın nüvə müqaviləsindəki uran istehsalı limitini aşmamaq barədə xəbərdarlıq edərək “İranın nüvə silahı əldə etmə şantajını qəbul etməyəcəyik” deyib. Morqan nazirlikdə keçirilən gündəlik mətbuat brifinqində jurnalistlərin suallarını cavablandırıb. Tehranın nüvə müqaviləsindəki uran istehsalı limitini aşacağı barədə açıqlamasına Ortaqus bu açıqlamanın şantaj olduğunu deyib. “Prezident Donald Tramp buna görə də İran ilə imzalanan nüvə müqaviləsinin əvəzinə yeni və daha yaxşı bir müqavilə imzalanmasının vacib olduğunu deyir. Amma İrann nüvə silahı əldə etmə şantajını qəbul etməyəcəyik. Nöqtə. ABŞ hökuməti İranın nüvə silahı əldə etmə mövzusunda atacağı ən kiçik addıma maksimum sanksiyalar ilə cavab verəcək”, - deyə diplomat bildirib. Qeyd edək ki, dünən rəsmi Tehran 10 gün ərzində uran istehsalını dörd dəfə artıracağını açıqlayıb.(ölkə.az)