İsraildə Rusiya prezidenti Vladimir Putin və Ukraynanın dövlət başçısı Vladimir Zelenski arasında görüş baş tuta bilər. ONN media xəbər verir ki, bu barədə Rusiya prezidentinin köməkçisi Yuri Uşakov açıqlama verib. O bildirib ki, rəsmi Kiyevin irəli sürdüyü görüş təklifi rədd edilməyib. Uşakovun sözlərinə görə, Kreml rəhbərinin proqramı sıx olduğu üçün görüş ayaqüstü ola bilər. Qeyd edək ki, dövlət başçıları yanvarın 23-də beşinci Dünya Holokost Forumunda iştirak etmək üçün İsrailə səfər edəcəklər.