Rəsmi Ankara BMT-nin uşaqlar və silahlı münaqişələr üzrə xüsusi nümayəndəsi Virciniya Qamba ilə SDQ arasında “qruplaşma daxilindəki uşaq döyüşçülərin buraxılması” ilə bağlı hazırlanan fəaliyyət planının imzalanmasına reaksiya verib. ONN media xəbər verir ki, bu barədə Türkiyə XİN bəyanat yayıb. “BMT-nin uşaqlar və silahlı münaqişələr üzrə xüsusi nümayəndəsi Virciniya Qambanın PKK-PYD-YPG terror qruplaşması nəzdindəki qondarma “Suriya Demokratik Qüvvələri”nə rəhbərlik edən PKK terrorçusu “Fərhad Abdi Şahin”lə BMT–nin Cenevrə ofisində üzvlərin məlumatı olmadan görüşərək “Fəaliyyət planı” imzalaması təşkilatın adına çox mənfi bir hadisədir, şiddətlə qınayırıq”, - XİN-dən bildirilib.