Sən müştərinin malını niyə vermirsən? Bunun adı qəsb etməkdir. ONN media xəbər verir ki, bunu Türkiyə Prezidenti Rəcəb Tayyib Ərdoğan ABŞ-ın F-35 təyyarələrini sözügedən ölkəyə satmaq istəməməsinə münasibət bildirərkən deyib. "Siz bir müştəri axtarırsınızsa və o müştəri ödənişləri edibsə, sən onun malını necə verə bilməzsən? Bunun adı qəsb etməkdir. Biz bu günə qədər 1,4 milyard dollar ödəniş etmişik", - Ərdoğan söyləyib. Qeyd edək ki, Türkiyə Rusiya ilə S-400 raket əleyhinə müdafiə sistemlərinin alınması ilə bağlı saziş imzaladıqdan sonra ABŞ F-35 təyyarələrinin Türkiyəyə təhvil verilməsini yubadır. Hətta Vaşinqton ABŞ-da F-35 proqramında iştirak edən türk pilotların Türkiyəyə geri göndərilməsi barədə qərar verib.