Türkiyədə 15 iyul çevriliş cəhdinin ildönümü münasibətilə 2426 nəfərin iştirakı ilə sorğu keçirilib. ONN media xəbər verir ki, sorğunu “Arena” araşdırma şirkəti təşkil edib. “Yenidən çevriliş cəhdi olsa küçələrə çıxarsınız?” sualının ünvanlandığı vətəndaşların 77.4 faizi “bəli, çıxaram” cavabını verib. “Türkiyədə yeni bir çevriliş təhlükəsi varmı?” sualına isə respondentlərin 30.2 faizi müsbət cavab verib. 43.5 faiz “xeyr” cavabını verdiyi halda, 17.4 faiz sorğu iştirakçısı qəti mövqe ifadə etməyib. 2018-ci ildə analoji sorğu zamanı “Türkiyədə yeni bir çevriliş təhlükəsi varmı?” sualına müsbət cavab verənlər 22.8 faizə bərabər olub. Faizlərdəki əhəmiyyətli artım diqqətçəkən məqam kimi təqdim olunub.(axar)