Türkiyənin F-35 proqramından çıxarılması xüsusilə, NATO-nun cənub qanadına mənfi təsir edəcək. ONN media xəbər verir ki, bu sözləri ölkənin müdafiə naziri Hulusi Akar bildirib. “Türkiyənin təktərəfli və ədalətli olmayan bir qərarla layihədən çıxarılmağa çalışılmasının qanuni bir əsasa söykənmədiyi açıqdır. ABŞ-dan münasibətlərimizə zərər verə biləcək addımlardan qaçmasını gözləmək strateji tərəfdaş kimi ən təbii hüququmuzdur”, - nazir deyib. Xatırladaq ki, daha əvvəl ABŞ-ın Müdafiə Nazirliyi (Pentaqon) Rusiyadan S-400 zenit-raket sistemləri alması ilə əlaqədar olaraq Türkiyənin F-35 proqramından çıxarılacağını açıqlayıb.