Türkiyənin F-35 qırıcılarının istehsalı proqramından xaric edilməsindən söhbət getmir. ONN media xəbər verir ki, bunu Türkiyənin Xarici İşlər naziri Mövlud Çavuşoğlu deyib. Ölkənin baş diplomatı bu məsələ ilə bağlı ABŞ-la anlaşa biləcəklərinə ümid etdiyini bildirib: “Bizi F-35 proqramından rəsmi olaraq kənarlaşdırmaqdan danışmırıq. Düşünürəm ki, qarşılıqlı anlaşma çərçivəsində razılığa gələ bilərik. Əks təqdirdə hər iki ölkə münasibətlərə mənfi təsir edəcək addımlar atacaq. Bu mərhələdə mövcud problemləri həll etməyə diqqət edəcəyik, danışıqlar yolu ilə ziddiyyətləri aradan qaldırmağa çalışacağıq”. Qeyd edək ki, ABŞ Rusiyadan S-400 hava hücumundan müdafiə sistemləri alan Türkiyənin F-35 proqramından çıxarıldığını açıqlamışdı.