Tvitter İranın İRNA, “Mehr” və dövlət televiziyasına bağlı “Gənc Jurnalistlər Cəmiyyəti” xəbər agentliklərinin hesabını bloklayıb. ONN media xəbər verir ki, Tvitter sözügedən agentliklərin fars dilində olan hesablarını bloklasa da, ingilis, ərəb və digər dillərdəki hesabları hələ də fəaliyyət göstərir. Qeyd edək ki, bu ilin aprelində ABŞ Prezidenti Donald Trampın İran İnqliab Keşikçiləri Korpusunu xarici terror təşkilatları siyahısına salmasından sonra İnstaqram da bir sıra İran rəsmilərinin hesabını bloklamışdı.