İranın Hərbi Dəniz Qüvvələri Oman körfəzində raket təlimlərinə başlayıb.

ONN media xəbər verir ki, bu barədə “Mehr” xəbər agentliyi məlumat yayıb.

Bildirilib ki, təlimlər iki gün davam edəcək və digər ordu hissələri tərəfindən dəstəklənəcək.

Bu təlimlər İran və ABŞ arasındakı münasibətlərin kəskinləşməsi fonunda keçirilir. Münasibətlərdəki pisləşmə Trampın 2018-ci ilin mayında ABŞ-ın İranın nüvə proqramı ilə bağlı Birgə Hərtərəfli Fəaliyyət Planından (JCPOA) çıxdığını elan etməsindən sonra baş verdi. Vaşinqton daha sonra Tehrana qarşı sanksiyaları bərpa etdi. Keçən ilin sonunda ABŞ Hərbi Dəniz Qüvvələrinə məxsus təyyarə gəmisi hücum qrupu Fars körfəzinə girdi.