ABŞ prezidenti Donald Tramp Rusiyanın yenidən G8-ə (Böyük səkkizlik -red) qayıtması təklifi ilə çıxış edib. ONN media xəbər verir ki, bu barədə "Agency France Presse" məlumat yayıb. Donald Tramp bildirib ki, Rusiyanın G8-ə qaytarılmasına etiraz etməyəcək. "Mən düşünürəm ki, Rusiyanın G8-də olması daha məqsədəuyğun olardı", - deyə Ağ Evin başçısı Vaşinqtonda Rumıniya prezidenti Klaus Yohannislə görüşü zamanı jurnalistlərə bildirib. Tramp qeyd edib ki, Rusiya ABŞ prezidenti Barak Obamanın vaxtında G8-dən çıxarılmışdı, çünki Rusiya lideri Vladimir Putin onu aldadıb. Qeyd edək ki, 2014-cü ildə Krımın ilhaqı və Donbas münaqişəsindən sonra Rusiya G8-dən çıxarılıb.