Bakıda daha bir sərnişin avtobusunun sürücüsü özbaşınalıq edib və kobud qayda pozuntusu ilə sərnişinlərin həyatını təhlükə altına atıb. ONN media xəbər verir ki, sosial şəbəkələrdə bu hadisənin görüntüləri yayılıb. Videodan da göründüyü kimi 57 nömrəli avtobusun sürücüsü maşını təhlükəli şəkildə idarə edir. Sürücü sükan arxasında telefonla oynayır. Üstəlik avtobusu necə gəldi idarə edir. Məsələ ilə əlaqədar Bakı Nəqliyyat Agentliyilə əlaqə saxladıq. Qurumdan BAKU.WS-ə bildirdilər ki, məsələ araşdırılacaq və məsələyə münasibət bildiriləcək.