Rusiya Yaxın və orta mənzilli raketlərin ləğvi anlaşması (İNF) ilə qadağan edilən raketlərin təkmilləşdirilməsini davam etdirir.

ONN media xəbər verir ki, bu sözləri NATO Baş katibi Yens Stoltenberq deyib.

“Problem ondan ibarətdir ki, bir neçə il əvvəl Rusiya Avropada nüvə potensialı olan orta mənzilli raketlər hazırlamağa və yerləşdirməyə başladı. Və bu raketlər mobildir, aşkar edilməsi çətindir. Qarşıdurma zamanı istənilən nüvə silahının istifadəsində xəbərdarlıq müddətini azaldır”, - deyə NATO rəhbəri bildirib.

Stoltenberq əlavə edib ki, ABŞ İNF anlaşmasından çıxdığı zaman bütün müttəfiqləri onu dəstəkləyib.