NATO Rusiya Prezidenti Vladimir Putinə nüvə müharibəsinə başlamamaqla bağlı xəbərdarlıq edib. Rusiyanın nüvə qüvvələrinin daha yüksək hazırlıq səviyyəsini görmürük. Bununla belə, Rusiya tərəfindən nüvə silahı ilə cingildəmə təhlükəli və məsuliyyətsizdir”.

ONN media xəbər verir ki, bu sözləri “Bild” nəşrinə müsahibəsində NATO Baş katibi Yens Stoltenberq bildirib.

O, qeyd edib ki, Putin bilməlidir ki, nüvə müharibəsi qalib gələ bilməz və heç vaxt da aparıla bilməz: “Rusiyaya açıq mesajımız var. O da budur: NATO bütün üzv dövlətlərini müdafiə edir”.

NATO Baş katibi qeyd edib ki, Ukraynada müharibə illərlə uzana bilər, buna görə də ona dəstək dayandırıla bilməz.

Stoltenberq bildirib ki, Madriddə keçiriləcək Alyans sammitinin iştirakçıları Rusiyanın artıq təşkilatın tərəfdaşı deyil, “dünya üçün təhlükə” olduğunu bəyan edəcəklər: “Biz bəyan edəcəyik ki, Rusiya artıq tərəfdaş deyil, təhlükəsizliyimizə, eləcə də sülh və sabitliyə təhdiddir”.

O, həmçinin qeyd edib ki, NATO-nun yeni strateji konsepsiyasında Çinin də adı çəkiləcək, onun güclənməsi təşkilatın maraqlarına, dəyərlərinə və təhlükəsizliyinə problem yaradır.

Stoltenberq vurğulayıb ki, Alyansın iyunda Madrid sammitində müzakirə edəcəyi yeni NATO strategiyası Rusiyanı strateji tərəfdaş kimi nəzərdən keçirməyəcək.