İraqda oktyabrın 1-dən davam edən xalq etirazları nəticəsində ölənlərin sayı 113 nəfərə çatıb.

ONN media xəbər verir ki, bu barədə yerli informasiya kanalları məlumat yayıb. Kütləvi iğtişaşlarda yaralananların sayı artıq 1400-ü keçib.

Bildirilir ki, kütləvi nümayişlərin iğtişaşa çevrilməsi halları əsasən Bağdad, əl-Divaniyə və əl-Nasiriyə şəhərlərində qeydə alınıb. Etirazçılar hökümət obyektlərinə hücum ediblər və məmurları qətlə yetiriblər. Ölənlər arasında 13 aksiya iştirakçısı var. Ölənlərin sayının daha da artacağı gözlənilir.