İngiltərənin Esseks şəhərində bir yük maşınının qoşqusunda donaraq ölən 39 nəfərin Çin vətəndaşı olduğu açıqlanıb. ONN media xəbər verir ki, İngiltərədə dünən baş verən olayın detalları açıqlanmağa başlayıb. Araşdırmadan sonra qurbanların soyuducu xüsusiyyəti olan qoşquda ən azı 15 saat fasiləsiz qapalı halda qaldığı məlum olub. 39 nəfərin miqrant olduğu və qoşquda mənfi 25 dərəcə temperatur səbəbindən həyatlarını itirdiyi bildirilib.

Polis yük maşınının 25 yaşlı sürücüsü Morris Mo Robinzonu saxlayıb. (teleqraf.com)