Liviya Türkiyədən hərbi dəstək almaq haqqında qərar qəbul edib. ONN media  xəbər verir ki, bu barədə ərəb mediası məlumat yayıb. “Əl Ərəbiə”nin xəbərinə görə, BMT-nin dəstəklədiyi əl-Sərrac hökumətinin Nazirlər Kabineti toplantısında türk ordusunun paytaxt Tripoliyə göndərilməsi dəyərləndirilib. Qətər mərkəzli “Əlcəzirə” telekanalı da eyni xəbəri yayıb. Bu iddia nə Türkiyə, nə də Liviya tərəfindən təsdiqini tapıb. Qeyd edək ki, Türkiyə prezidenti Rəcəb Tayyib Ərdoğan daha əvvəl verdiyi açıqlamada Liviya hökumətinin tələb edəcəyi təqdirdə, ordu göndərə biləcəklərini demişdi.