Türkiyənin Qaradəniz bölgəsində - Trabzon, Giresun, Ordu, Rize və Artvində iki gündür davam edən meşə yanğınlarının məsuliyyətini PKK terror təşkilatı üzərinə götürüb. ONN media Teleqraf.com-a istinadla xəbər verir ki, özlərini "Atəşin uşaqları təşəbbüsü" adlandıran bir qrup PKK üzvü Trabzonun bütün kənd və qəsəbələrində mübarizəyə başladıqlarını bəyan ediblər. Qeyd edək ki, Türkiyənin Qaradəniz bölgəsində 4 şəhərin 26 fərqli yerində meşə zolaqlarında yanğınlar davam edir. Küləkli hava alovun sürətlə ətrafa yayılmasına səbəb olub. 5 evin kül olduğu, fındıq sahələrinə ciddi ziyan dəydiyi bildirilir. Trabzon Valiliyində yanğınla bağlı təcili toplantı keçirilib. İlkin məlumata görə, yanğın 50 hektarlıq ərazini əhatə edib. Yanğının söndürülməsi üçün işlər davam etdirilir.