İsveçrənin Cenevrə şəhərində birdəfəlik plastikin istifadəsinə görə cərimə tətbiq olunacaq. ONN media xəbər verir ki, yeni qərar 2020-ci il yanvarın 1-dən qüvvəyə minəcək. Yeni qaydalara əsasən, şəhər ərazisində birdəfəlik plastik paketlərin, içki çöplərinin, stəkan, boşqab və digər yemək avadanlıqlarının istifadəsi qadağan olunur. Bundan başqa, supermarketlərdə pulsuz plastik kartların verilməsinin qadağan olunması təklif edilir. Bu qadağanı pozanlar 100 dollara yaxın məbləğdə cərimə olunacaq.