Türkiyə prezidenti Rəcəb Tayyib Ərdoğan 2019-cu ildə 14 ölkəyə səfər edib. Teleqraf.com xəbər verir ki, Ərdoğanın ən çox səfər etdiyi ölkə Rusiya olub. Türkiyə prezidenti 2019-cu ildə Rusiyaya 5, ABŞ-a isə 2 səfər edib. 2019-cu ildə ilk səfərini Rusiyaya edən Ərdoğan ilk 3 xarici səfərini də Moskvaya edib. Onun sonuncu Rusiya səfəri oktyabrın 22-də baş tutub. Səfər zamanı Ərdoğan və Putin 6 saat 20 dəqiqə danışıqlar aparıb. Prezident Ərdoğan 2019-cu il üçün sonuncu səfərini Tunisə edib. Ərdoğan bu il başda Azərbaycan olmaqla Tacikistan, Yaponiya, Macarıstan, Qətər, Britaniya, Çin, Serbiya kimi ölkələrdə də danışıq aparıb.