Türkiyə Prezidenti Rəcəb Tayyib Ərdoğan 28 avqust 2014-cü ildə seçildikdən sonra 175 xarici səfər edib. Son 8 ildə 81 ölkədə olan Ərdoğan daha çox Rusiya, Azərbaycan və ABŞ-a üstünlük verib.

ONN media xəbər verir ki, 81 ölkəyə səfər edən Ərdoğan 2014-cü ildə 12, 2015-ci ildə 32, 2016-cı ildə 22, 2017-ci ildə 33, 2018-ci ildə 28, 2019-cu ildə 19 ölkəyə səfər edib. Koronavirus epidemiyasına baxmayaraq xarici proqramlarını davam etdirən türkiyəli lider son iki ildə 29 ölkəyə səfər edib. Bu prosesdə Ərdoğan Rusiyaya 13 dəfə, Azərbaycana 11 dəfə, ABŞ-a 9 dəfə, Belçika və Qətərə 6 dəfə, Səudiyyə Ərəbistanına 5 dəfə, Bosniya və Herseqovinaya 4 dəfə, Çin, Fransa, Küveyt və KKTC-yə gedib. Ərdoğan AK Partiya 2002-ci ildə hakimiyyətə gələndən bəri 32 Afrika ölkəsinə 53 dəfə səfər edib.

Ərdoğanın rəhbərliyi ilə Ermənistan, BƏƏ, İsrail və Misirlə diplomatik münasibətlərin qurulması istiqamətində normallaşma prosesi son vaxtlar sürətlənib. Ermənistanla münasibətlərin normallaşdırılması üçün xüsusi nümayəndə təyin olunduğu halda, BƏƏ ilə qarşılıqlı səfərlər nəticəsində 13 saziş imzalanıb. Bu, İsraildən sonra 14 ildə prezident səviyyəsində ilk səfərdir və Misirlə danışıqlar davam edir.