Monqolustanda təqaüdçülərin bütün kredit borcları silinəcək. ONN media xəbər verir ki, prezident Xaltmaaqiyn Battulqanın rəhbərlik etdiyi Milli Təhlükəsizlik Şurası bu barədə qərar qəbul edib. Yerli mənbələrin məlumatına görə, ölkə başçısı yeni il təbrikində Milli Təhlükəsizlik Şurasının qəbul etdiyi qərarı ictimaiyyətə elan edib. O, bildirib ki, bu qərar təqaüdçülərə kömək məqsədiylə qəbul edilib. Qeyd edək ki, Monqolustanda təqaüd alan 380 mindən çox yaşlı var və onların əksəriyyətinin kredit borcu mövcuddur.