Əş-Şabab qruplaşması ABŞ-ın Keniyadakı hərbi bazasına hücum edib.

ONN media xəbər verir ki, bu barədə məlumatı Keniya ordusunun nümayəndəsi, polkovnik Pol Ncuquna verib. O bildirib ki, saat 05.30-da hərbi bazanın yerləşdiyi Manda hava limanına terror hücumu olub.

Hücumun qarşısının uğurla alındığını qeyd edən polkovnik 4 terrorçunun öldürüldüyünü bildirib.

Hava limanının uçuş-eniş zolaqlarına ziyan dəyməsə də, aeroportdakı bəzi yanacaq anbarlarının alovlandığı vurğulanıb.