İtaliyanın Lutaqo kurort zonasında 28 yaşlı sürücü avtomobili turistlərin üzərinə sürüb. ONN media xəbər verir ki, hadisə bu gün baş verib. Sui-qəsd zamanı Almaniya vətəndaşı olan 6 turist həlak olub, 11 nəfər isə xəsarət alıb. Bildirilir ki, xəsarət alanlardan biri müalicəsi üçün helikopterlə Avstriyanın İnsburk şəhərinə çatdırılıb, digərlərinə İtaliyada tibbi yardım göstərilib. Hadisəni törədən sürücünün yerli sakin olduğu və maşını sərxoş vəziyyətdə idarə etdiyi üzə çıxıb. Onun turistləri qəsdən vurduğu bildirilir.