ABŞ Prezidenti Donald Tramp növbəti dəfə İraqı sanksiyalarla hədələyib.

ONN media xəbər verir ki, bu barədə Ağ Ev rəhbəri Yunanıstanın Baş naziri Kiriakos Misotakislə görüşdə bildirib.

“Əgər İraq rəhbərliyi Amerikaya hörmətsizlik etsə, ABŞ İraqa qarşı sanksiyalar tətbiq edə bilər”, - deyə Donald Tramp bildirib.

"Mən sanksiyalar haqqında danışırdım, amma yalnız bizə hörmətsiz yanaşacaqları təqdirdə...”, - deyə ABŞ dövlət başçısı bildirib.

Tramp deyib ki, bizimlə hörmətlə rəftar etməlidirlər.

Qeyd edək ki, İraq parlamentinin ABŞ ordusunun ölkədən çıxarılması barədə qərarından sonra Tramp bu ölkəyə sanksiya tətbiq edə biləcəklərini açıqlamışdı.