İran İnqilab Keşikçiləri bu hücumu onların həyata keçirdiyini bəyan edib və hərbi bazanı dəfələrlə bombaladığını bildirib.

Bəyanatda bildirilir ki, ABŞ ordularının yerləşdiyi hər hansı ölkədən cavab atəşi edilərsə, İran o ölkəni vuracaq.

Pentaqondan bu xəbər təsdiqlənib və başqan Trampın mövzu ilə bağlı məlumatlandırıldığı bildirilib: “Hazırda təkcə Ayn əl-Əsəd deyil, İraqdakı bütün amerikan hərbi bazalarına hücum edilir”.

Ölü və yaralılar haqqında heç bir məlumat verilməyib.

Qeyd edək ki, yeni ilin ilk günlərində İran İnqilab Keşikçilərinin Qüds Qüvvələrinin komandanı Qasim Süleymani ABŞ tərəfindən Bağdadda öldürülüb.