Avstraliyanın Daxili İşlər Nazirliyi ölkədə aylardır davam edən meşə yanğınları ilə bağlı sevindirici xəbər yayıb. ONN media xəbər verir ki, yanğınsöndürənlər “dinozavr ağacları” adlandırılan “Wollemi” şamlarını alovdan qoruya bilib. Məlumata görə, yeri gizli saxlanılan ağaclara zərər dəyməyib. Bildirilir ki, yanğınsöndürənlər “Wollemi” şamları istiqamətində irəliləyən alovun qarşısını tamamilə alıblar. Qeyd edək ki, dünyanın ən qədim ağacalarından hesab olunan “Wollemi” şamlarının bizim eradan əvvələ aid olduğu bildirilir. Onların sayı 200 civarındadır. Ağaclar xüsusi mühafizə altındadır. İnsanlar zərər vurmasın deyə ağacların yeri gizli saxlanılır. Lakin bəzi mənbələr qədim ağacların Sidney yaxınlığındakı bölgədə bitdiyini irəli sürür.