İranın cənub-qərbindəki Mahşəhr şəhərinin hava limanında sərnişin təyyarəsi uçuş zolağından kənara çıxıb. ONN media xəbər verir ki, İSNA agentliyi insidentə təyyarədə qeydə alınan texniki nasazlığın səbəb olduğunu yazıb. İnsident nəticəsində xəsarət alan olmayıb. Təyyarə Tehran-Mahşəhr marşrutu üzrə hərəkət edirmiş. Qeyd edək ki, bundan əvvəl İranın Gürgan şəhərindən havaya qalxan sərnişin təyyarəsi mühərrikdəki yanğın səbəbindən Tehran aeroportuna təcili eniş edib. Eyni gündə Tehrandan İstanbula uçan təyyarədə də texniki nasazlıq yaşanıb.