İranın "Ata" Hava Yolları Şirkətinə məxsus sərnişin təyyarəsi texniki nasazlığa görə təcili eniş edib. ONN media xəbər verir ki, İranın Şərqi Azərbaycan vilayəti aeroportları idarəsinin baş direktoru Mustafa Səfayinin sözlərinə görə, təyyarə Təbrizdən Tehrana uçurmuş. Təyyarə mühərrikdə yaranan texniki nasazlığa görə Təbrizin Şəhid Mədəni aeroportuna geri dönüb. Qeyd edək ki, uçuşdan əvvəl təyyarə yarım saat təmirə dayanıb, daha sonra havaya qalxıb. Ancaq bir neçə dəqiqə sonra təcili eniş etməli olub.