Bu gün Türk Dövlətləri Əməkdaşlıq Şurasının Xarici İşlər nazirləri Şurasının növbədənkənar iclası Bakıda keçirildi.

ONN media  xəbər verir ki, iclasda Fəxri Prezidentin statusunun müəyyənləşdirilməsi, təşkilata üzv olmayan ölkələr, habelə beynəlxalq təşkilatlarla əlaqələrin genişləndirilməsi məsələləri müzakirə olunub.

İclasda Ermənistan–Azərbaycan Dağlıq Qarabağ münaqişəsinin həlli yolları da müzakirə edilib.

XİN başçıları üzv ölkələr arasında iqtisadi əməkdaşlıq əlaqələrinin daha da genişləndirilməsi, təşkilat daxilində birliyin gücləndirilməsinin vacibliyini vurğulayıblar.

Təşkilatın perspektivlərini müəyyən edən “Türk Şurası 2025” adlı yeni strategiya da müzakirə edilən məsələlər arasında öz yerini tutub.

Qeyd edək ki, iclasda Türkiyəni xarici işlər naziri Mövlud Çavuşoğlu, Azərbaycanı  xarici işlər naziri Elmar Məmmədyarov, Qırğızıstanı  xarici işlər naziri Çingiz Aydarbekov, Qazaxıstanı xarici işlər naziri  Muxdar Tleuberdi, Özbəkistanı xarici işlər naziri  Əbdüləziz Kamilov və Türk Şurasının baş katibi Baghdad Ümryeyev təmsil edib.

Xarici işlər naziri Mövlud Çavuşoğlu Bakıda keçirdiyi görüşlər çərçivəsində Azərbaycanın  xarici işlər naziri Elmar Məmmədyarov, Qırğızıstanın xarici işlər naziri Çingiz Aydarbekov və Türk Şurasının baş katibi Baghdad Amryeyev ilə ikili görüşlər keçirib.