Quba rayonunun Qarxun kəndində baş verən yanğın söndürülüb. ONN media xəbər verir ki, bu barədə açıqlamasında Quba rayon İcra Hakimiyyəti başçısının müavini Xanlar Heybətov bildirib. Qurum rəsmisi deyib ki, Fövqəladə Hallar Nazirliyinin canlı qüvvə və texnikalarının sayəsində yanğının qarşısı alınıb: "Hadisə nəticəsində 2 ev tam, 1 ev isə qismən, eləcə də bir ot tayası və bir tövlə yanıb. Yanğında xəsarət alan yoxdur". *** 12:00 Quba rayonun Qalxun kəndində baş verən yanğın hadisəsinin qarşısının alınması istiqamətində tədbirlər görülür. Fövqəladə Haqllar Nazirliyindən verilən məlumata görə, rayon mərkəzindən 60 km məsafədə mürəkkəb relyefə və çətin keçilən yolları olan ərazidə ot tayası yanır: "Yanğının yaxınlıqda yerləşən yaşayış evlərinə keçməsi ehtimalı olduğundan FHN DYMX-nin, XXRX-nin, Şimal Regional Mərkəzin müvafiq qüvvələri və nazirliyin Aviasiya dəstəsinin 2 helikopteri hadisə yerinə cəlb olunub. Əlavə məlumat veriləcək".