Sizə söz verirəm ki, sosial şəbəkədəki pozğunluqlar mütləq araşdırılacaq. Heç kimdə səlahiyyət yoxdur ki, parlament seçkilərinə kölgə salsın. Bu, bir şərəf məsələsidir.

ONN media xəbər verir ki, bunu MSK sədri Məzahir Pənahov açıqlamasında deyib.

“Ölkədə baş verən hadisə hamımızı maraqlandırmalıdır. Hər bir vətəndaş əlində olan faktları gecikdirmədən MSK-ya, hüquq-mühafizə orqanlarına təhvil verməlidir”, - MSK sədri bildirib.

M.Pənahov seçkidə iştirakına görə, mediaya da təşəkkürünü bildirib.

MSK sədri narazılıqlarla bağlı yayılan məlumatları araşdıracaqlarını deyib:

“Biz bələdiyyə seçkilərində olduğu kimi bu seçkilərdə də sosial şəbəkələrdə yayılan məlumatları çox ciddi araşdıracağıq”.