Dərisinin təravətinə xüsusi önəm verən qadınları maraqlandıran suallardan biri də budur: cild təmizliyi üçün tətbiq edilən buxar metodu faydalıdırmı? ONN media xəbər verir ki, tıxanmış sızanaqları açan və qidalanma maskalarının dəriyə daha yaxşı hopmasını təmin etdiyi düşünülən buxar metodu əslində bilinən təsirlərə malik deyil. Çünki qara nöqtələrin üzü onsuz da hər zaman açıqdır. Bunun üçün xüsusi metod tətbiq etməyə ehtiyac yoxdur. Lakin buxar metodunun başqa faydaları mövcuddur. Quru, soyuq hava şəraitində olmusunuzsa, axşam 20 dəqiqəlik buxar seansı etmək üz dərinizi rahatlaşdıracaq, qan dövranını sürətləndirəcək, havadan hopmuş tozları və ölü dəri hüceyrələrini təmizləyəcək. Bununla yanaşı, dərinin nəmlənməsinə kömək edəcək. Əgər dəriniz qurudursa, buxar vannasını tətbiq etdikdən sonra nəmləndirici kremlərdən istifadə etməyi unutmayın!(publika)