Aylar öncə dedim ki, əgər Qərb miqrant yükünü bizimlə paylaşmasa, qapıları açacağam. Amma bu sözümü dəyərləndirmədilər. Blef elədiyimi fikirləşdilər. İndi isə qapıları bağlayın deyə zəng dalıyca zəng gəlir. ONN media xəbər verir ki, bunu Türkiyə Prezidenti Rəcəb Tayyib Ərdoğan bildirib. “Artıq o iş bitib. Qapılar açılıb. Bu miqrant yükündən Qərb də payını alacaq. Ötən günlə müqayisədə rəqəmlər xeyli yüksəldi və yüksəlməyə davam edəcək. Bu gün Bolqarıstan Baş naziri Boyko Borisovla bir araya gələcəyik. Eyni zamanda Almaniya kansleri Angela Merkellə də telefon əlaqəsi saxlayacağıq. Ümid edirəm ki, problem aradan qaldırılacaq”, – Ərdoğan bildirib.