Tanınmış müğənni və bəstəkar Murad Arif toylarla bağlı maraqlı təklif irəli sürüb. ONN media xəbər verir ki, o təmtəraqlı toylara ehtiyac olmadığını deyib. "Sənətçi dostlarım məni öldürməsin. Amma, toy edəcək ailələrə balaca tövsiyəm var. Səadət 500 nəfərin hoppanıb-düşməyində deyil. Cavanların sevdasını qırmayın. Atalar, analar görüşsün, xeyir-dua versin, qeydiyyat edin və evlənin. Sonra da hərə öz yuvasına. Ailə qurmaq üçün təmtəraq, dəbdəbə şərt deyil. Sonra oynayarsınız”. Qeyd edək ki, koronavirus təhlükəsinə görə Azərbaycanda toylar 1 aylıq təxirə salınıb.