Azərbaycanda erməni daşnaklarının aktiv iştirakı ilə törədilən 31 mart soyqırımının törədildiyi gün ermənilər təxribata əl atıb. ONN media xəbər verir ki, Dağlıq Qarabağda yerləşən işğalçı Ermənistan ordusu qəfil hərbi təlimlərə başlayıb. Səhər saatlarından Ağdam rayonunu işğal altındakı Şahbulaq kəndi istiqamətində aparılan təlimlərə hərbi texnika, artilleriya vasitələtri və canlı qüvvə cəlb olunub. Dünyada koronavirus pandemiyasının genişləndiyi, işğal altındakı torpaqlarda isə qanunsuz seçkilərin keçirildiyi gün hərbi təlimlərin keçirilməsi rəsmi Yerevanın Azərbaycana qarşı təxribatı hesab olunur.