Azərbaycan Ordusu işğal olunmuş ərazilərin azad edilməsi istiqamətində irəliləyir. İşğalçı ölkənin minlərlə canlı qüvvə və hərbi texnikası məhv edilib. Dağlıq Qarabağa yerləşdirilən ermənilər kütləvi şəkildə qaçır. Hərbi cəbhədə məğlub olan Ermənistanın heç bir beynəlxalq dəstək əldə edə bilməməsi də isterik vəziyyət yaradıb.İşğalçı ölkənin düşdüyü vəziyyət erməni baş nazir Nikol Paşinyanın bu gün “xalqa müraciət” adlı videoçıxışında aydın görünür. Çıxışında Azərbaycanı ittiham edən, məğlubiyyətini gizlətmək üçün müxtəlif iddialar irəli sürən Nikol etiraf etdi ki, çoxsaylı canlı qüvvə və hərbi texnika itiriblər.Diqqət çəkən məqam Paşinyanın isteriya içində olması, danışarkən qışqırması, ağlamaq həddinə çatması idi. Hirslə salona daxil olan erməni baş nazir belə demək mümkünsə, ağzına gələni danışdı, qışqırdı, bağırdı və dərhal salonu tərk etdi. Bu, işğalçı Ermənistanın düşdüyü ağır vəziyyətin əyani tablosudur.