“Nelfinavir” dərmanı COVID-19-un çoxalmasına mane ola bilər. ONN media   xəbər verir k, yapon həkimlər tərəfindən aparılan araşdırmanın ilkin nəticələri “bioRxiv” portalında yayımlanıb. Bildirilib ki, tədqiqatda doqquz antiviral dərman və onların dünyada yayılan yeni tip koronavirusa təsiri araşdırılıb. Nəticədə “Nelfinavir”in koronavirus infeksiyasının törədici fəaliyyətinin azalmasına təsir göstərdiyi müəyyən edilib. Dərman digər antiretroviral vasitələrlə birlikdə immun çatışmazlığı virusuna (HİV) qarşı istifadə olunur. Portalda yayımlanan məqalədə diqqətə çatdırılıb ki, hazırda COVID-19-a qarşı sübut edilmiş vasitə olmadığı üçün effektiv antiviral dərmanların sınanması lazımdır. Bundan əvvəl Melburn Universitetinin alimləri bildirmişdilər ki, anti-parazit dərman “İvermektin” iki gün ərzində koronavirusu aradan qaldırır və onun RNT-ni demək olar ki, tamamilə məhv edir. Rus mütəxəssislər onun effektivliyini qiymətləndirmişdi.(publika.az)